Ток-шоуто за актуелни теми („Опкружување“) беше лансирано во 2012 година како уникатен ТВ-производ емитуван истовремено на дванаесет ТВ станици во Албанија, Босна и Херцеговина, Хрватска, Косово, Црна Гора, Северна Македонија, Србија и Словенија. За прв пат по 20 години, овој ТВ-формат успеа да собере на едно место различни луѓе од регионот, кои беа во можност отворено да разговараат и да најдат заедничко разбирање за сличните проблеми присутни во сите земји на поранешна Југославија. Токму ова и беше идејата на Европскиот Фонд за Балкан и Центарот за демократија и помирување во Југоисточна Европа – да им се овозможи на гледачите ширум Балканот да слушнат јасно и гласно во етерот дека ги делат истите проблеми, политички комплексности и културниот код.
По шест сезони на „Опкружување“, мисијата сè уште не е завршена, но визијата останува иста. Врз основа на веќе докажаниот концепт, ажурираната онлајн платформа на „Опкружување“ и новиот формат за размена на лични искуства, ставови и перспективи „Хроника на Опкружувањето“ ќе продолжат да служат како форум каде ќе може да се слушнат различните гласови.
Заедно со Звездана Ковач (Генерален секретар на Европското движење во Србија) како една од нашите партнери уште од самиот почеток на ова заедничка иницијатива со Центарот за демократија и помирување во Југоисточна Европа, здружено дојдовме до идејата дека во време на Ковид – 19 мора да најдеме начин како да ја заживееме регионалната мрежа на луѓе кои можат да понудат поинаква перспектива за моменталната состојба на Западниот Балкан. Затоа, ние го нудиме многу потребниот простор за вкрстување на гледиштата и приказните на разните претставници од граѓанскиот сектор, јавните личности, новинари, експерти, активисти, креатори на политики, аналитичари и пред сѐ, сите граѓаните од целиот Балкан, кои сакаат да ги споделат своите мислења, да отворат дебата и разменат идеи за решение на заедничките, но и често контроверзни теми.
Сите сме соочени со големи промени, па затоа најдовме начин како да ги смениме и прилагодиме старите концепти, а тоа е и главната идеја зад оваа обновена форма на „Опкружување“.